Mundua -
Gerra Gazan
NBEk ikerketa independente bat eskatu du Gazan ehunka gorpu dituzten hobi komunak aurkitu ostean
Hildakoen artean, guztiak palestinarrak, adineko pertsonak, emakumeak eta zaurituak zeuden; beste gorpu batzuk, berriz, eskuak lotuta aurkitu dituzte. NBEk ikerketa independente bat eskatu du gerrako krimena izan daitekeelakoan.
EITB MEDIA
NBEko Giza Eskubideen Bulegoak (ACNUDH) astearte honetan adierazi duenez, Gazako bi ospitaletan hobi komunak aurkitu dituzte, Israelgo Armadak operazio latzak garatu zituen tokietan. Horrek kezka piztu du, gerra krimenak izan daitezkeelakoan.
"Hildakoen artean ustez adinekoak diren pertsonak, emakumeak eta zaurituak zeuden, eta beste batzuk (gorputzak) eskuak lotuta aurkitu zituzten (...) lotuta eta arropak kenduta", adierazi du Ravina Shamdasani bozeramaileak.
Gaineratu duenez, ehunka gorpu "lurrean sakon lurperatu eta hondakinez estali" zituzten, asteburuan zehar aurkitu dutenez. Biktimak Jan Yuniseko Nasser Ospitalean lurperatuta zeuden, Gaza erdialdean, eta Gaza hiriko Al-Shifa ospitalean, Zerrendaren iparraldean.
Orain arte, 283 gorpu berreskuratu dituzte Nasser Ospitalean bakarrik, eta Al-Shifa Ospitalean, berriz, 30.
Azken gune hori zen tokiko osasun-zentro nagusia, urriaren 7an gerra hasi baino lehen, eta Israelek ustez Hamaseko militanteak desagerrarazteko egindako erasoaldi militar baten fokua izan zen.
