Jesus Torquemada
IRUZKINA
Siriako gerra arriskutsua
JESUS TORQUEMADA
Siriako zeru gainean batzuk eta besteek dituzten hegazkinak elkarren artean eraso egitea ere gerta liteke une honetan.
Sirian eragiten ari diren tentsio maila jaitsi dezatela eskatu die Errusiari eta Estatu Batuei Antonio Guterres Nazio Batuen Erakundeko idazkari nagusiak. Izan ere, Siriako zeru gainean batzuk eta besteek dituzten hegazkinak elkarren artean eraso egitea ere gerta liteke une honetan.
Orain bi egun, estatubatuarrek Deir Ezzor inguruan, Eufrates ibaiaren bailaran, hegazkin siriar bat bota zuten behera, eta Errusiak erantzun zuen esanez, ibai horren mendebaldea zeharkatzen duten hegazkin guztiak etsaitzat hartuko dituela eta bota egingo dituela.
Estatu Batuek esan zuten Raqqa hartzeko aurrera egiten ari diren milizia kurduen aurkako erasoan ari zelako jo zuela hegazkin siriarra. Aldiz, Siriak dio euren hegazkina Estatu Islamikoaren posizioak erasotzen ari zela.
Baina horrek ez dio axola. Garrantzitsuena da Siriako gerra nazioartekotzen ari dela. Orain hiru aste, Iranek sei misil bota zituen Siriara, DAESHek kontrolpean dituen inguruen aurka. Agintari iraniarrek eurek ere aitortu dute: Teheranen jihadistek egindako atentatuen aurkako mendekua izan zen.
