Jesus Torquemada
Análisis
Palestinarren arteko zatiketa amaitzear egon liteke
Jesús Torquemada
Alde biek adiskidetzea erabaki dute: batasun nazionaleko Gobernua sortuko dute eta hauteskundeak deituko dituzte.
2006an piztu eta kasik euren arteko gerra zibil txikia eragin zuen palestinarren arteko zatiketa, amaitzear egon liteke. Orain 11 urteko hartan, Hamasek Gazan irabazi zituen hauteskundeak eta Al Fatahk, berriz, Zisjordanian. Ordutik, elkarri bizkarra emanez bizi izan dira. Palestinako Aginte Nazionala, nazioarteak onartutako gobernu autonomoa, Zisjordanian dago. Aldiz, Hamasek Gazan duen Gobernua ez dute nazioartean onartzen, gobernu askok, batez ere, mendebaldekoek, talde terroristatzat daukatelako Hamas.
Egiptoko gobernua bitartekari dela Kairon astebete negoziazioan eman ondoren, alde biek adiskidetzea erabaki dute: batasun nazionaleko Gobernua sortuko dute eta hauteskundeak deituko dituzte.
Baina kontuz, oraindik goiz baita ospakizunetarako. Akordioaren iragarpena Hamasek egin duen arren, Al Fatahk ez baitu berretsi. Eta aurrez gutxienez birritan iragarri dute batasun nazionaleko gobernua eta gero ez osatu.
Baina gizarteak nahi du ospatu: bi urteko borroketan kideak galdu dituzten Gazako 400 familiak, ostegunean, adiskidetze festa egin zuten.
