Hadroi azeleragailua geldirik egongo da 2015 arte

Partikulen Fisikaz arduratzen den Europako Zentroaren (CERN) hadroien talka-eragile handia (LHC), Unibertsoaren sorrera eta oinarria ulertzeko makina, gelditu egin dute eta 2015 arte ez dute piztuko, mantenu lanak egin behar baitituzte.

LHC gidatzen duen taldeak baieztatu duenez, azeleragailuaren eraztunean geratzen ziren azken protoi sortak atera dituzte dagoeneko, Suitza eta Frantziako mugan, 100 metroko sakoneran dagoen 27 kilometroko tuneletik.

Azeleragailu horretan protoi edo ioi sortak jaurtitzen dituzte kontrako noranzkoetan talka egin dezaten, eta energia handia sortu dute talka horietan.

Esperimentu horri esker, 'Higgsen Bosoia' delakoa izan daitekeena aurkitu zuten, fisika modernoaren oinarri den teorian falta den elementua.