Xakean emakumeek duten parte-hartzea aztergai, 'Faktoria'n

9:30ean emango diogu asteko azken 'Faktoria' magazinari. Ordu horretatik aurrera, Expochess xake txapelketaren berri emango dugu. Horren harira, David Sierra gonbidatuko dugu gurera, xakean emakumeen parte-hartzeari buruzko hausnarketa egiteko.

10:00etan, Zipi eta Zape pelikularen euskarazko bertsioaz arituko gara Faktorian. Ordu bete beranduago, 11:00etan, Izaskun Marañon psikologoaren kontsulta irekiko dugu. Haurren behar emozionalak asetzeko gomendio erabilgarriak emango dizkigu Izaskunek.