Beste kirolak
Oso larri dago
Argazki berezia bidali dio Ferrarik Bianchiri, pilotua animatzeko
Erredakzioa
Argazkian Bianchi eta Schumacher agertzen dira. Frantziarrak garuneko lesio larrienetariko bat dauka, Sutil alemaniarraren autoa pistatik ateratzen ari zen garabiaren istripua izan ondoren.
-
Schumacher eta Bianchi. Argazkia: Ferrari @InsideFerrari
Ferrarik animoak bidali dizkio Jules Bianchi pilotuari, argazki oso berezia vidalita: irudian Bianchi bera eta Michael Schumacher agertzen dira. Frantziarra oso larri dago iragan igandean, Japoniako Sari Nagusian, garabi baten kontra izandako istripuaren ondorioz.
Bianchik lesioa dauka garunean, larrienetariko bat, eta oso larri dago ospitalean.
El equipo está en Sochi, pero el corazón sigue en Suzuka. Esperanzas para Michael también #ForzaJules #ForzaMichael pic.twitter.com/O0RwoPGWXc
— Scuderia Ferrari (@InsideFerrari) octubre 8, 2014
"Taldea Sochin da, baina gure bihotzak Suzukan jarraitzen du. Itxaropena bidali nahi diogu Michael Schumacherri ere bai", esan du Ferrarik twitterren idatzitako mezuan. Schumacher ere larri dago, eskiatzen ari zela izandako istripuaren ondorioz sei hilabete koman eman ostean.
Mezuarekin batera, Ferrarik argazki bat txiokatu du. Bertan, Schumacher eta Bianchi agertzen dira, elkarri bostekoa ematen.
