Eibarrek bederatzi urte zeramatzan jarraian sei porrot jaso barik

Eibarrek ez du garaipenik lortu BBVA Ligako bigarren itzulian, eta jarraian sei porrot jaso ditu. 2005-2006 denboraldian izan zuten armaginek azkenekoz hain bolada kaskarra, Bigarren Mailan zirenean.

2015. urtean sei porrot jaso ditu Gaizka Garitanoren taldeak: Reala-Eibar (1-0), Eibar-Atletico Madril (1-2), Deportivo-Eibar (2-0), Eibar-Elx (0-1), Vila-real-Eibar (1-0), eta Eibar-Athletic Club (0-1).

2005-2006 denboraldian ere halako zorigaitza pairatu zuen Eibarrek, eta azkenean Bigarren B Mailara jaitsi zen. Urte horretan hiru entrenatzaile izan zituen talde gipuzkoarrak: Carlos Terrazas, Roberto Olave eta Javi Perez.