Eibar
4-6 asterako baja
Sergi Enrichi ebakuntza egingo diote eskuin belaunean, urtarrilaren 24an
Erredakzioa
Eibarrek jakinarazi duenez, aurrelariak haustura du eskuin belauneko barne meniskoko atzeko adarrean. De La Fuente medikuak egingo dio ebakuntza eta 4-6 aste emango ditu bajan.
-
Sergi Enrich, Las palmasen aurkako partidan. Argazkia: EFE
Sergi Enrich Eibar taldeko jokalariak min hartu zuen eskuin belaunean igandean Atxabalpen egindako entrenamenduan. Astelehen honetan proba osagarriak egin dizkiote, eta baieztatu egin da Enrichek haustura duela eskuin belauneko barne meniskoko atzeko adarrean.
Eibarrek jakinarazi duenez, aurrelariari ebakuntza egingo dio Javier de la Fuente medikuak urtarrilaren 24an, asteazkenean, Donostian. Jokalariak 4 edo 6 aste bitartean emango ditu bajan.
