Txapeldunen Liga
Taldekako fasea
Bartzelona, PSG, Bayern eta Porto, final-zortzirenetan
Erredakzioa
Hurrengo faserako txartela eskuratu dute, lau jardunaldi jokatuta, Real Madril eta Borussia Dortmundekin batera.
-
Goetzek gola sartu zuen Romaren aurka / EFE.
Bartzelonak, Paris Saint-Germainek, Bayern Munichek eta Portok Txapeldunen Ligako final-zortzirenak jokatzeko txartela eskuratu dute, atzo multzoen faseko partidak irabazita. Real Madrilek eta Borussia Dortmundek asteartean lortu zuten.
Bartzelonak Ajaxi irabazi zion, zailtasunekin (0-2), Messiren bi golei esker. Raul Gonzalezek Txapeldunen Ligan lortutako marka berdindu du argentinarrak, 71 gol egin baititu orain arte txapelketa horretan. PSG Apoeli gailendu zitzaion (1-0), eta Bayern Munichek nagusitasunez hartu zuen Erroma mendean (2-0). Portok, bere aldetik, San Mamesen irabazi eta aukerarik gabe utzi zuen Athletic.
E, F, G ETA H TALDEETAKO EMAITZAK
Bayern Munich - Erroma 2-0
Manchester City - CSKA Mosku 1-2
Ajax - Bartzelona 0-2
Paris Saint-Germain - Apoel 1-0
Maribor - Chelsea 1-1
Sporting - Schalke 4-2
Athletic - Porto 0-2
Shakhtar Donetsk - BATE Borisov 5-0
