Vettelek 'pole'a lortu du, eta Alonso zortzigarren irtengo da

Erredakzioa

Azken eguneratzea: 2012/11/17 21:17 (UTC+1)

Alemaniarrak egin du denborarik onena entrenamendu ofizialetan Lewis Hamiltonen aurretik. Fernando Alonso espainiarrak (Ferrari) zortzigarren bukatu du.

Orria entzun Orria entzun

Sebastian Vettel, Webberrekin eta Hamiltonekin batera. Argazkia: EFE

Whatsapp
Whatsapp
telegram
twitt
Bidali
Esteka kopiatu

Albisteak (2)

Vettelek titulua irabazteko aukera dauka asteburu honetan
Bat Formulako sailkapenak

Galeriak (1)

Bat Formula denboraldiko irudirik onenak

Sebastian Vettel alemaniarrak (Red Bull) ‘pole’a eskuratu du AEBetako Sari Nagusian. Munduko Txapelketako liderrak Lewis Hamilton (McLaren) eta Mark Webber taldekidea aise gainditu ditu, eta Fernando Alonso espainiarra (Ferrari) zortzigarren postutik irtengo da.

Azken bi Munduko Txapelketako garaileak, erakustaldia eman du Austineko zirkuituan, eta bere ibilbideko 36. ‘pole’a lortu du. Vettelek txapelketa erabakita uzteko abagune ederra izango du Texaseko zirkuituan.