Bilbao Basket
Ofiziala
Bilbao Basketek Mirza Begic fitxatu du
Agentziak | Erredakzioa
Talde bizkaitarrak eta pibot postuan jokatzen duen jokalari bosniarrak denboraldi amaierara arte sinatu dute bi aldeak lotzen dituen kontratua. 30 urte ditu, eta 2,16 metro neurtzen du.
Dominion Bilbao Basketek Mirza Begic fitxatu du denboraldi amaierara arte. Jokalari bosniarra Shawn Jamesen hutsunea betetzeko fitxatu du talde bizkaitarrak. Astelehen honetan Begicek arazorik gabe gainditu ditu osasun azterketak.
Mirza Begicek 30 urte ditu, eta 2,16 metroko altuera du. Pibot postuan jokatzen du, eta urriaren 14an NBAko New Orleans Pelicansek itxatu zuen arren, ez zuen debuta egiterik izan. Iragan denboraldian Laboral kutxan jokatu zuen 6,5 puntuko, 4,4 erreboteko eta 9,4ko balorazioa erdietsita. Olimpija Ljubljana, Olympiacos, Real Madril, Zalgiris eta Geoplin Slovan taldeetan jokatutakoa da besteak beste.
