Baskonia
Top 16a
Laboral Kutxa Baskonia Euroligako final-laurdenetan sartu da
eitb.eus
Khimki talde errusiarrak Olinpiakosen aurka lortutako garaipenari esker sartu da Perasovicen taldea lehiaketako zortzi talde onenen artean. Ostiralean Real Madrilen aurka jokatuko dute.
-
Bourousis, CSKAren aurkako partidan. Argazkia: Efe.
Laboral Kutxa Baskoniak Euroligako final-laurdenak jokatuko ditu. Arabarrei mesede egin die Khimkij Olinpiakosen aurka lortutako garaipenak. Ostiralean Real Madrilen aurka jokatu aurretik sailkatzeko beste aukera, Brose Baskets talde alemaniarra Bartzelonaren aurka galtzea zen.
Orain, gasteiztarren hurrengo helburua Top 16an geratzen diren bi jardunaldietan, gutxienez garaipen bat lortzea da, multzoko bigarrena izan eta final-laurdenetan kantxa faktorea alde izateko.
Madrilen aurka ez dituzte gauzak erraz izango, Fabien Causeur baja baita azkeneko egunetan bizkarrean dituen arazoengatik.
Partida zuzenean emango dute ETB1ek eta eitb.eusek, 20:30etatik aurrera.
