Bauhaus nagusitu da Down Under Tourreko lehen etapan

Phil Bauhaus (Bahrain Victorius) alemaniarrak irabazi du gorabeheraz beteta egon den Down Under Tourreko lehen etapa gorabeheratsua, Caleb Ewan (Australiako Talde Nazionala) eta Michael Matthews (Jayco-Alula) txirrindulari australiarren aurretik. Jardunaldia Tanundan hasi eta bukatu da, eta ekitaldi honetako luzeena izan da 149,9 kilometroko ibilbidearekin.

Bauhausek ondo eutsi die Ewanen eta Matthewsen erasoei, eta lehen postua eskuratzeko gai izan da, etaparen hastapenean erorikoa izan duen arren.

Helmugatik 400 metrora ere azken erorketa bat gertatu da tropelaren erdian, eta horrek tropela zatitzea eragin du. Ondorioz, tropelaren aurreko partean kokatuta zeuden txirrindulariak baino ez dira etaparen garaipenaren lehian egon.

Alberto Bettiol (EF Education-EasyPost) italiarrak, astearteko atarikoaren irabazleak, liderraren jertseari eutsi dio Matthewsi sei segundoko aldea aterata. Matthewsek zortzi postu egin ditu gora sailkapen nagusian, etaparen erdian segundo batzuetako gainsaria lortu ondoren.

1. ETAPAKO SAILKAPENA:

1 - BAUHAUS Phil (Bahrain - Victorious 3:37:35

2 - EWAN Caleb (UniSA-Australia) d.b.

3 - MATTHEWS Michael (Jayco) d.b.

4 - COVI Alessandro (UAE) d.b.

5 - PENHOËT Paul (Groupama) d.b.

6 - LIEPINŠ Emils (Trek) d.b.

7 - PAGE Hugo (Intermarché) d.b.

8 - HOFSTETTER Hugo (Arkéa) d.b.

9 - JONES Taj (Israel) d.b.

10 - THIJSSEN Gerben (Intermarché) d.b.

SAILKAPEN NAGUSIA:

1 - BETTIOL Alberto (EF Education) 3:43:54

2 - MATTHEWS Michael (Jayco) +0:06

3 - SHEFFIELD Magnus (INEOS) +0:08

4 - JOHANSEN Julius (Intermarché) +0:10

5 - GROVES Kaden (Alpecin) +0:11

6 - GAZE Samuel (Alpecin) d.b.

7 - PAGE Hugo (Intermarché) +0:12

8 - MAYRHOFER Marius (DSM) +0:13

9 - STRONG Corbin (Israel) d.b.

10 - STEIMLE Jannik (Soudal) d.b.

23 - BILBAO Pello (Bahrain) +0:20

40 - IZAGIRRE Gorka (Movistar) +0:28

82 - ERVITI Imanol (Movistar) +0:42