'Historias a Bocados' Areson izango da arratsaldean

Gaur, 'Historias a Bocados' saioan, Ander Gonzalez Aresora joango da, eta Miguel Belaunzaran ezagutuko du bere bisita gastronomikoa hasteko. Eguneroko lanetik irteten denean, Miguelek bere 100 ardiak zaintzen ditu. Lan gogorra egiten du egunero. Eskuz jezten ditu ardiak, eta esnea tanke batera eramaten du, esne-saltzaileak jaso dezan. Gure sukaldaria Migueli laguntzen ahaleginduko da, baina baserriko lanetan ez da oso trebea. Elkarrekin joango dira herrian dagoen taberna bakarrera, Sastinea tabernara, alegia, eta kroketak, urdaiazpikoa eta txerri-hankak jango dituzte bertan.

Ramon Alguero eta Marta Txibite larrua lantzen duten artisauak dira. Ramon Bartzelonakoa da eta Marta donostiarra, baina 30 urte daramatzate Areson bizitzen. Etxean duten tailerrean larruzko hainbat produktu egiten dituzte eta artisau merkatuetan edo enkargu bidez egiten dituzte salmentak. Anderrek tailerra bisitatuko du eta larruzko gerrikoak nola egiten diren ikasiko du. Ramonek, gainera, Nafarroako alkatxofa edo orburuak prestatuko dizkio.

Bakartxo Aniz natura eta animalia basatien argazkilaria da. Areso kanpoaldeko basoan argazkilaritza teknikak erakutsiko dizkio Anderri. Bakartxoren etxera itzultzean, Anderrek legatza arrautzeztatua prestatu dio piper gorriekin.

'Historias a Bocados' gaur izango da ikusgai, 20:15ean, eitb.eus-en eta ETB2n.