Gizartea -
Eguraldiaren aldaketa
Eta elurraren ostean... 20 ºC arteko tenperaturak zubian!
Euskalmeten arabera, zubirako, tenperaturek gora egingo dute eta hego-haize bolada indartsuak egongo dira.
Erredakzioa
Modu horretan, Euskadin, aste honetako eguraldiarekin alderatuz gero, hego-haizeak indartsu joko du eta tenperatura altuak izango dira zubian, maximoak 15-20 ºC bitartean egonez itsasertzean eta 10-15 ºC bitartean barnealdean. Hala ere, hodei ugari egongo dira.
Larunbatean, eguneko lehen orduetan hodei gutxi egongo dira eta tenperaturak jaitsi egingo dira. Izozte arinak egon litezke eta egunaren amaieran hodei gehiago egongo dira, gainera, barnealdean euria egitera iritsi liteke. Tenperatura maximoak 10 ºC inguruan egongo dira itsasertzean eta 5 ºC barnealdean.
Igandean, hodeiak izango dira nagusi eta segur aski euri pixka bat egingo du barnealdean eta itsasertzean. Haizeak oso indartsu joko du, mendi inguruetan eta itsasertzean bereziki. Tenperaturetan berriz, ez da aldaketarik emango.
Astelehenean, euri arinak izango dira, bereziki barnealdean. Haize bolada handiak egongo dira, batik bat barnealdean. Tenperaturek gora egingo dute, maximoak 15-20 ºC itsasertzean eta barnealdean 10-15 ºC bitartean.
Asteartean eta asteazkenean, eguraldiaren egoera aurreko egunen antzekoa izango da, euria eginez gero, gutxi, eta barnealdean egingo du. Tenperaturak 15-20 ºC bitartean egongo dira.