15:19

Herriak eta Hiriak

San Sebastián

Donostiako San Tomas azokak 205 postu izango ditu aurten

Agencias | Redacción

Iaz baino lau postu gehiago izango dira; txistorra, gozokiak, taloa, gazta eta esnekiak eta eskulangintzako produktuak eskainiko dituzte.

  • San Tomas

    Iazko San Tomas jaialdia. Argazkia: EFE

  • Whatsapp
  • Whatsapp
  • telegram
  • Bidali

Aurten 205 postu ipiniko dira Gipuzkoa plazan, Konstituzio plazan, Sarriegi plazan, Okendo plazan, Zuloaga plazan, Boulevarden eta Elkano eta Txurruka kaleetan banatuta. Iaz baino lau postu gehiago.

Guztira, 53 txistorra postu, 22 gozoki postu, 13 talo postu, 13 gazta eta esneki postu, eta 49 eskulangintzako produktuen postuak izango dira.

Horrez gain, San Tomasek mota guztietako jendeari zuzendutako euskarazko kulturarekin lotutako programazioa ere eskaintzen du. Trikitixak, aizkolariak, pilota, haurtailerrak, abereen erakusketa, lehiaketak eta musika. Ziur gaude mota diferenteko jende ugari erakarriko dutela.

Herri-kirolaren esparruan, Festak erakundeak, beti, emakumeen kirolari eman dion babesarekin jarraituz, aurten, hirugarren urtez jarraian, emakumeak protagonista izango diren herri-kiroleko bi proba egingo dira: Esku Pilota eta Urrezko Kopa.

Berrikuntza gisa aipatu behar da aurten Donostialdeko Ezti eta Txorimaloen lehiaketak berreskuratu dituztela. Biak Zuloaga plazan egingo dira.

Gainera, Baserritar Jantzien II. Lehiaketa (Boulevardeko kioskoan) egingo dute Axular Dantza Taldeak antolatuta.

Ezin aipatu gabe utzi azokako protagonista nagusia: Gilda. 340 kilorekin egun osoan Donostian egongo da Konstituzio plazan.

Hiriko eta lurraldeko autobusek beren ibilbideak aldatuko dituzte azoka dela eta. Batez ere, Gipuzkoa plazako geltokiak bertan behera geldituko dira.

Garbitasuna

Bestalde, edukiontzien zerbitzua indartuko dute; olioa batzeko bidoiak jarriko dituzte txistorra eta talo postuetan. Gainera, 131 komun izango dira azoka inguruetan.

Berriro erabiltzeko 45.000 edalontzi izango dira salgai, baita beira jasotzeko zerbitzu berezi bat ere.

Iruzkinak

  • Publizitatea

    Bisitatuena

      Kargatzen ikusiena
      Kargatzen ikusiena