Beasaingo lorategiek sare sozialak eta herritarrak aztoratu dituzte

Senpere plazako lorategiak berritzeko lanak ekainaren hasieran abiatu zituen Beasaingo Udalak (Gipuzkoa). Altzairuzko egitura berri bat eraiki eta lurrarekin bete zuten. Jardinerak ordezkatu zituzten.

Lanak astebete eskasean amaitu ondoren, jardinera berrietako loreek marrazten zituzten figurek hautsak harrotu dituzte herrian eta sare sozialetan. Irudiek gizonezkoen organo genitalak aditzera ematen zituzten.

Polemika ikusita, herriko buruzagiek lorategiak berriz aldatzeko erabakia hartu zuten, irudiak moldatzeko.

Lorategien afera bolo bolo ibili da hiritarren ahotan. Argazkia: WhatsApp