Prezioak % 1 jaitsi dira urtarrilean EAEn eta % 1,4 Nafarroan

EAEko Kontsumorako Prezioen Indizea (KPI) % 1 jaitsi da urtarrilean, iazko hilabeteko datuekin alderatuta, gaur Espainiako Estatistika Institutuak jakitera eman duenez.

Abenduko datuekin konparatuz, prezioak % 1,7 jaitsi dira Euskadin 2015eko lehenengo hilabetean.

Nafarroan, berriz, KPIa % 1,4 jaitsi da urtarrilean, iazko urtarrileko datuekin alderatuz. Abenduko datuen aldean, berriz, % 2 merkatu dira prezioak Nafarroan.

Espainiako Estatuan, KPIa % 1,3 jaitsi da, petrolioaren merkatzearen ondorioz gehienbat. 2007ko uztailetik izan den jaitsiera handiena izan da urtarrilekoa.