Correosen %80k baino gehiagok greba egin du, sindikatuen arabera

CCOO eta CSI-F sindakatuek emandako datuen arabera, Correoseko langileen % 93k greba egin du goizeko txandan. UGTren arabera, jarraipena %83koa izan da. Correosek kaleratu dituen datuak, ordea, ez datoz sindikatuen zenbakiekin bate. Posta banaketaz arduratzen den enpresaren arabera, goizeko txandan langileen % 14,5ek egin du greba. Gaueko txandari dagokionez, hiru sindikatuen % 83an kokatu dute jarraipena. Correosek, berriz, % 28,3ra jaitsi du zifra.

CCOO eta UGT sindikatuek emandako datuen arabera, Correoseko langileen % 80k baino gehiagok egin du greba gaueko txandan. Datu horiek Correosek ezagutzera eman dituen datuekin ez datoz bat. Posta banaketaz arduratzen den enpresaren arabera, % 28,3k egin du greba.

Correosek dionez, gaueko txandan langileen %3 aritzen da. Greba eguna lasaitasunez doala gaineratu du erakundeak, nahiz eta Valladoliden eta Sevillan piketeek zenbait arazo eragin dituzten.

CCOOren arabera, gaueko txandan grebak izan duen jarraipena %83koa izan da. Gehiengoa duen sindikatuak dioenez, piketeek ez dute inongo arazorik izan.

UGT sindikatuak ere grebaren jarraipenaren inguruko datu baikorrak eman ditu. Sindikatuaren arabera, jarraipen “zabala” izaten ari da greba, %83 baino gehiago.

CCOO, UGT eta CSI-F sindikatuak hiru lanuzte eta hiru greba egun deitu dituzte apirilean eta maiatzean, hitzarmen kolektiboaren  negoziazioa izoztuta dagoela salatzeko eta azken bost urteetan 15.000 lanposturen suntsipena izan dela gaitzesteko.