Su hartutako Interenvases enpresak erregulazio espedientea aurkeztu du

Apirilaren 25ean sutea handia piztu zen Arabako Araiako enpresa batean, Interenvases delakoan. Bada, astebete besterik igaro ez dela, beste albiste txar bat jaso dute bertako langileek: zuzendaritzak jarduna bertan behera uzteko enplegu-erregulazio espedientea (EEE) aurkeztu du.

Hondakinak bildu eta birziklatzen aritzen diren 19 langileetatik 13ri eragingo die espedienteak. Suteak kaltetu zuen pabiloian lan egiten zuten denek.

Beharginek datozen egunetan erabakiko dute zuzendaritzak hartutako erabakiaren aurrean zein urrats eman.