Dumpingaren aurkako zerga gehiago, Txinako altzairugintzari

Europako Batzordeak dumpingaren aurkako zerga gehiago ezarri dizkie Txinako zenbait altzairu produkturi: beroan xaflatutakoak eta xafla lodiak.

Erabakiak onerako eragingo die euskal altzairutegiei. Izan ere, horietatik batzuk beroan xaflatutako altzairuzko produktuetan espezializatuta daude eta urteak daramatzate Txinako altzairuaren kontrako dumpingaren (kostua baino merkeago egindako salmenta) neurriak eskatzen.

"Gure ikerketek baieztatu dutenez, Txinako produktuak dumping prezioetan saldu dituzte Europan", esan du Alexander Winterstein Europako Batzordeko bozeramaileak prentsaurrean.

Ostiral honetan jarriko dituzte abian bi neurri berriak, behin-behinean. EBk erabakiko du datozen sei hilabeteetan baieztatu edo baztertu egingo dituen.

Europak uste du, eskubide hauei esker, altzairu xafla lodien errentagarritasuna berrezarriko dela, beroan xaflatutako altzairua ekoizten enpresei kalteak saihesteaz gain.