Ekonomia -
Edesa Taldea
Fagor CNAk ekoizpena etengo du behin-behinean Garagarzan
Eskoriatzan, Basaurin eta Geyser plantetan lanean jarraituko dute aurreikusitako ekoizpenarekin.
eitb.eus
Fagor CNA Group enpresak iragarri duenez, eten egingo du behin-behinean Garagarzako (Arrasate) lantegiaren ekoizpena, eta 200 langileri eragingo die. Eskoriatzan, Basaurin eta Geyserren, ordea, lanean jarraituko dute.
Alde batetik, aurten aurreikusita zuten ekoizpenarekin bukatu dutela adierazi du. Beste alde batetik, linea txuriko produktu berriak prestatzen hasiko direla iragarri du, eta hortaz, enpresaren gaitasun produktiboak egokitzeko beharra azpimarratu du, berrikuntza ugari izango direlako.
Horrez gain, Edesa Industrial taldearen salmentek estatu espainiarrean % 58 gora egingo dutela nabarmendu du, eta nazioarteko merkatuan, berriz, % 64.