Publizitatea
X

Irratia zuzenean

Astebeteko greba Brisgestone enpresan, 2018ko otsailaren 13tik aurrera

Ekonomia

LAN GATAZKA

Bridgestoneko langileek astebeteko greba abiatu dute

AGENTZIAK | ERREDAKZIOA

2018/02/13

Enpresa batzordeak soldata igoera eskatzen dio zuzendaritzari. Bizkaian, Basauri eta Usansoloko lantegietako 1.100 behargin daude grebara deituta.

  • Bridgestoneko lantegia Basaurin. ETBren artxiboko bideo batetik ateratako pantaila-irudia.

    Bridgestoneko lantegia Basaurin. ETBren artxiboko bideo batetik ateratako pantaila-irudia.

    Bridgestoneko lantegia Basaurin. ETBren artxiboko bideo batetik ateratako pantaila-irudia.
  • Partekatu
  • Bidali

Iruzkinak

Bridgestoneko enpresa batzordeak astebeteko greba deitu du gaur hasi eta otsailaren 19ra arte, soldata igoera eskatzeko. Guztira, 2.700 langile daude grebara deituta Kaponiako multinazionalak Espainiar Estatuan dituen lantegietan, Kantabrian, Burgosen eta Bizkaian. Horietatik 1.100 behargin daude Basauriko eta Usansoloko lantegietan.

UGT sindikatuak eta Bridgestoneko sindikatu independenteak (BUB) osatzen dute enpresa batzordea, eta kasu honetan UGTk egin du grebarako deialdia. Langileen gehiengoak babestu du greba deialdia eta, horrez gain, kontzentrazioak egitea ere erabaki dute.

Hitzarmena berritzeko negoziazioetan soldata igoerari buruz hitz egiteari uko egin izana salatu dute grebaren deitzaileek. Horien esanetan, aurrez CCOOrekin sinatutako hitzarmeneko puntu guztiak negoziatzeko konpromisoa hartu zuen enpresak pasa den urtarrilaren 30ean.

UGT eta BUB sindikatuek "jarrera aldaketa" aurpegiratu dio enpresari. Horien hitzetan, urtarrilaren amaierarako deitutako mobilizazioak bertan behera uztea erabaki bazuten enpresak hitzarmeneko puntu guztiei buruz negoziatzeko konpromisoa hartu zuelako izan zen, soldata igoera barne.

Enpresa batzordeak fede onez negoziatzeko aukera eman dio zuzendaritzari, UGTren arabera. Esaterako, soldatak KPIaren arabera gaurkotzea eskaini ei zion. "Puntu honetara iritsita, ordea, ez dago erosteko ahalmena ez galtzeko borrokatzea beste aukerarik", adierazi du sindikatuak.

 

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena