Gizartea -
Istripu bat izan ostean
Iruñeko Hiri Segurtasuneko zinegotzia zigortuta, edanda gidatzeagatik
Ignacio Polo Iruñeko UPNko zinegotziari 500 euroko isuna jarri diote, eta gidabaimeneko 6 puntu kendu dizkiote, 0,64ko alkohol tasarekin gidatzeagatik
Erredakzioa
500 euroko isuna eta gidabaimeneko sei puntu kendu dizkiote Ignacio Polo Iruñeko Udaleko Hiri Segurtasun zinegotziari (UPN), alkohol kontrol batean emaitza positiboa izateagatik, Diario de Navarra-k publikatu duenez.
Polok aparkatuta zegoen beste auto baten kontra talka egin zuen, mozkor eginda, errepidera sartzera zihoala. Agenteek egin zioten kontrolean, aire-litro bakoitzeko 0,64 miligramo alkohol bota zuen.
1945eko irailaren 15ean jaio zen, eta lau seme-alaba ditu. Polo fisioterapeuta da, eta Erizaintzan diplomaduna. UPNren ordezkaria zinegotzi da Iruñeko Udalean 1995etik.