Gizartea -
Kaskarotenea
10.000 euroko diru-laguntza eman dio Udalbiltzak Ziburuko ikastolari
Mertxe Aizpurua Udalbiltzako presidenteak Kaskarotenea bisitatu du eta diru-laguntza emateko erabakiaren berri eman die Ziburuko ikastolaren arduradunei.
Erredakzioa
Udalbiltza ezker abertzaleko udal-hautetsien elkarteak 10.000 euroko diru-laguntza eman dio Ziburuko (Iparralde) Kaskarotenea ikastolari.
Udalbiltzak agiri batean azaldu duenez, Mertxe Aizpurua elkarteko presidenteak Kaskarotenea bisitatu du gaur, eta 10.000 euroko diru-laguntza emateko erabakiaren berri eman die ikastolaren arduradunei.
Diru-laguntza Euskal Herria Sendotzen programaren barruan kokatu dute; izan ere, Udalbiltzak “euskara bezalako sektore estrategikoetan lan egiten duten euskal entitateekin lankidetza akordioak sinatzen ditu”, Garapen eta Kohesiorako Euskal Funtsaren bidez.
