Gizartea -
Gipuzkoa
Motor gidari bat harkaitzetara jausi da Zumaia parean bidetik aterata
Zauritua Dosnostia Ospitalera eraman anbulantzian; larri dago. Halaber, istripuan (N-634) parte hartu duen ibilgailu bakarra da, Getaria eta Zumaia artean.
I.G | EITB.EUS
Motor gidari bat harkaitzera jausi da N-634 errepidetik, Getaria eta Zumaia (Gipuzkoa) artean, aterata. Errepidea itsasoaren parean dihoa puntu horretan. Zauritutako gizona Donostiako Ospitalera eraman dute anbulantzian eta egoera larrian dago.
Jaurlaritzako Segurtasun Sailetik azaldu dutenez, bertan Suhiltzaileetako eta Ertzaintzako kideak lanean aritu dira erreskate lanetan. Gainera, helikoptero bat bidali dute lanetan lagun dezan. Halere, ohikoa baino denbora gehiago behar izan dute erreskatea burutzeko heltzeko zaila den leku batera jausi delako. Azkenik, zauritutako gizona Donostiako Ospitalera eraman dute anbulantzian.
Antza denez, N-634 errepidean -Zumaiarako noranzkoan- izandako istripuan parte hartu duen ibilgailu bakarra da. Errepidearen zirkulazioa etenda egon da, erreskatea egin eta bidea garbitu bitartean. Ondoren, 16:10ak aldera, amaitutzat eman dute operazioa.