Gizonezko bat itota hil da Arga ibaian, Uharte parean

Dirudienez, 48 urteko gizonezkoa ibaiaren putzu batean harrapatuta geratu da.

Foru Poliziak ikerketa abiatu du jazoeraren nondik norakoak argitzeko. Argazkia: EFE

AGENTZIAK | ERREDAKZIOA

publikatuta: 2018/09/06 09:52 (UTC+2)

azken eguneratzea: 2022/08/17 08:56 (UTC+2)

48 urteko senegaldar bat itota hil da Arga ibaian, Uharten (Nafarroa), Zubiondo parean. Foru Poliziak ikerketa abiatu du jazoeraren nondik norakoak argitzeko.

Nafarroako Larrialdietarako Zerbitzuek jazoeraren berri izan dute 13:42ean, Nafarroako Gobernuak jakinarazi duenez. Dirudienez, gizonezkoa, Uharteko auzokidea, ibaiaren putzu batean harrapatuta geratu da.

SOS Nafarroak anbulantzia bat eta ur-erreskaterako talde bat bidali du bertara, baina ezin izan dute gizona salbatu.

Hildakoaren gorpua Auzitegiko Institutu Anatomikora eraman dute, autopsia egin diezaioten.

Hau zure interesekoa bada, baliteke beste gai hauek ere izatea

Nafarroa Gizartea bideoak Prentsa digitalaren azken orduko Albisteak Euskal Herriko ibaiak Itotzeak Euskadin

Gizonezko bat itota hil da Arga ibaian, Uharte parean

Esteka kopiatuta