Gizartea -
Luizia
Ondarroako bizilagunak ezin dira orain etxeetan ezertarako sartu
Kamiñalden lurra kentzen duten bitartean, ezingo dira sartu. Dagoeneko 30 bat etxebizitza eskaini dizkiete bizilagunei eta aztertzen ari dira baldintzak betetzen ote dituzten.
agentziak | erredakzioa
Ondarroako (Bizkaia) Udalak luizi baten ondorioz etxetik atera dituzten bizilagunei jakinarazi die ezingo direla etxeetan sartu Kamiñalden lurra kentzeko lanak egiten ari diren bitartean.
Helburua 500.000 metro kubiko lur kentzea da, luizi gehiago izanez gero kaltea txikitzeko. Horretarako egunean 20 orduz lan egingo dute eta, segurtasun arrazoiak medio, lanek irauten duten bitartean bizilagunek ezingo dute etxebizitzetan sartu ezertarako.
Era berean, Alokabidek lanean jarraitzen du premia handiena duten bizilagunei etxe bat emateko lehenbailehen.
