Gizartea -
BILBO
Martxan da lurpeko trenbide zatia Bilboko Irala auzoan
Iragarrita bezala, 13:45ean igaro da lehen konboia Rekalde-Irala paretik. Gaur bertan eman du Sustapen Ministerioak trenbide zati hori martxan jartzeko behin betiko baimena.
AGENTZIAK | ERREDAKZIOA
Bilboko Irala auzoan, gaurtik, martxan da lurpeko trenbide zatia, Bilbao Ria 2000 enpresa publikoaren eskutik. Adif-Zabalera Metrikoa merkantzia trenbide-sareari dagokion zati bat da gaur inauguratu dutena.
Iragarrita bezala, 13:45ean igaro da lehen konboia Rekalde-Irala paretik. Gaur bertan eman du Sustapen Ministerioak trenbide zati hori martxan jartzeko behin betiko baimena.
Azken astebetean, behin lanak bukatuta, hainbat proba egin dituzte trenbidean, merkantzia-trenekin. Dena ondo dagoela ziurtatu ondoren, Bilbao Ria 2000 erakundeak jakitera eman duenez, gaur bertan itxi dituzte azken izapide administratiboak, aipatutako baimena jaso ahal izateko.