Kamioilari bat hil da Igeldora bidean, gidatzen ari zenean

Gizonezko bat (68 urtekoa eta Usurbilgo bizilaguna) hil egin da arratsalde honetan, Donostiatik Igeldorako bidean kamioi bat gidatzen ari zenean. Antza denez, berez hil da.

Atzetik zihoan auto baten gidariak azaldu duenez, bi ibilgailuak Igeldora bidean zihoazen, eta, bat-batean, 17:35ean, aurrean zegoen kamioia abiadura galtzen hasi da, eta ondoren atzera egin eta autoaren aurka talka egin du.

Istripuaren ondoren, kamioiaren gidaria hilda zegoela egiaztatu dute. Dena dela, ez da istripuaren ondorioz hil. Litekeena da ondoezik sentitu eta bat-batean hil izana.

Autoaren gidaria ez da zauritu.