Publizitatea
X

Irratia zuzenean

2017/2018 ikasturtaren hasiera Euskadin

Gizartea

Ikasturtearen hasiera

Ikasleen % 66k D eredua aukeratu dute ikasturte honetan, EAEn

Agentziak | Erredakzioa

2017/09/07

2017-2018 ikasturtea ostegun honetan hasi da 374.848 ikaslerekin. Publikoaren eta pribatuaren arteko orekak EAEko hezkuntza sistemaren bereizgarria izaten jarraitzen du.

1:29
  • Partekatu
  • Bidali

Iruzkinak

374.848 ikaslek 2017-2018 ikasturtea hasi dute gaur, Euskadin, iaz baino % 0,46 ikasle gehiagok.

Ikasleen % 66k D eredua (euskara) aukeratu dute. Hezkuntza sistema ez unibertsitariora heltzen direnen kasuan, 3-5 urte bitarteko umeen artean, portzentaje hori % 78,9ra igotzen da.

Uriarte sailburua Gasteizko Angel Ganivet eskolan izan da, ikasturteari hasiera emateko. Hezkuntza ez unibertsitarioko aurre-matrikularen datuak jakitera eman ditu agintariak.

Publikoaren eta pribatuaren arteko oreka

Familiek aukeratutako hezkuntza sareari dagokionez, publikoaren eta itunpeko edo pribatuaren arteko orekak EAEko hezkuntza sistemaren bereizgarria izaten jarraitzen du; izan ere, ikasleen % 50,8k sare publikoa aukeratu dute eta % 49,2k itunpekoa edo pribatua.

Hizkuntza ereduei dagokionez, % 65,9k D ereduan (euskara) ikasiko dute, % 18,9k B ereduan (elebiduna) eta % 15,1 A ereduan (gaztelera).

Haur Hezkuntzan, ikasleen % 78,9k D eredua aukeratu dute, iragan ikasturtean baino puntu bat gehiago. Umeen % 3,5ek bakarrik aukeratu dute A eredua.

Bestalde, 2017/2018 ikasturtean 55 milioi euro bekak emateko bideratuko direla gogorarazi du sailburuak.

Amaitzeko, 2017ko lan eskaintza publikoan lanpostua lortu zuten Haur eta Lehen Hezkuntzako 734 ikasle lanean hasi direla goraipatu du Uriartek.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena