Gizartea -
ISTRIPUA ARABAN
Langile bat hil da Kuartangon izandako lan istripu batean
Kamioi batek talka egin du errepideetako mantentze zerbitzuaren ibilgailu baten aurka.
AGENTZIAK | ERREDAKZIOA
Errepideetako mantentze zerbitzuko langile bat hil da ostegun honetan (azaroak 26) Kuartangon, Araba, kamioi batek bere furgonetaren aurka talka eginda.
Segurtasun Sailak azaldu duenez, istripua 12:30ean inguru gertatu da, AP-68 autobidean.
Ordu horretan, Bilborako noranzkoan zihoan kamioi batek talka egin du errepideetako mantentze zerbitzuaren ibilgailu baten aurka, eta, ondorioz, langile bat hil da.
Gainera, errei bat itxi behar izan dute Bizkaiko hiribururako noranzkoan.
Ertzaintzak ikerketa hasi du istripua argitzeko.