Gizartea -
'Manada'ren aurkako epaiketa
Iruñean bortxatutako neskarentzat 'justizia' eskatu du Nagore Laffageren amak
Iazko sanferminetan bost gizonezkok bortxatutako neskari elkartasun osoa adierazi dio Jose Diego Yllanesek 2008an hildako gaztearen amak.
AGENTZIAK | ERREDAKZIOA
2008ko sanferminetan Jose Diego Yllanesek hildako Nagore Laffage gaztearen amak bere elkartasun osoa adierazi dio iazko sanferminetan bost gaztek bortxatutako neska madrildarrari. Gainera, auzi honetarako "justizia" eskatu du Nagorre Laffageren ama den Asun Casasolak.
Nagoreren hiltzaileari, Jose Diego Yllanesi, 12 urteko espetxealdia ezarri zioten homizidio egotzita, eta ez hilketa. Zigorraren hiru laurdenak beteta, hirugarren gradua dauka dagoeneko Yllanesek.
Iazko sanferminetan bost gaztek bortxatutako gaztearen gaineko epaiketari dagokionez, neskaren testigantza zalantzan jarri izana deitoratu du Casasolak. "Emakumezko izateagatik ezin dugu une oro dena zalantzan jarri", salatu du.
