Lekeitioko Iturriotz institutua jendez hustu dute, propano isuri batengatik

Inork ez du minik hartu eta Naturgaseko teknikariak isuria konpontzeko lanean ari dira.

AGENTZIAK | ERREDAKZIOA

publikatuta: 2017/12/13 10:24 (UTC+1)

azken eguneratzea: 2024/01/19 11:23 (UTC+1)

Lekeitioko Iturriotz institutua jendez hustu dute gaur goizean izandako gas isuria dela-eta. Dena den, ez du inork minik hartu.

Eusko Jaurlaritzako Segurtasun Sailak jakinarazi duenez, 08:25 aldera gertatu da. Gas-ihesa antzeman eta arriskuaz jabetu direnean, berehala hustu dute eraikina.

Udaltzainak, ertzainak eta suhiltzaileak bertaratu dira, eta Naturgaseko teknikariak joan dira ihesa konpontzera.

Dena den, gas-ihesak ez dio inori minik eragin.

Lekeitioko Udaltzaingoak Euskadi Irratiari baieztatu dionez, egoera kontrolpean hartu dute berehala, eta eguerdian zabalduko dute berriro institutua.

Hau zure interesekoa bada, baliteke beste gai hauek ere izatea

Bizkaia Gizartea albisteak Lekeitio bideoak Gaurko azken ordukoa Lea-Artibai eskualdea

Lekeitioko Iturriotz institutua jendez hustu dute, propano isuri batengatik

Esteka kopiatuta