Gizartea -
BIZKAIA
Lekeitioko Iturriotz institutua jendez hustu dute, propano isuri batengatik
Inork ez du minik hartu eta Naturgaseko teknikariak isuria konpontzeko lanean ari dira.
AGENTZIAK | ERREDAKZIOA
Lekeitioko Iturriotz institutua jendez hustu dute gaur goizean izandako gas isuria dela-eta. Dena den, ez du inork minik hartu.
Eusko Jaurlaritzako Segurtasun Sailak jakinarazi duenez, 08:25 aldera gertatu da. Gas-ihesa antzeman eta arriskuaz jabetu direnean, berehala hustu dute eraikina.
Udaltzainak, ertzainak eta suhiltzaileak bertaratu dira, eta Naturgaseko teknikariak joan dira ihesa konpontzera.
Dena den, gas-ihesak ez dio inori minik eragin.
Lekeitioko Udaltzaingoak Euskadi Irratiari baieztatu dionez, egoera kontrolpean hartu dute berehala, eta eguerdian zabalduko dute berriro institutua.