Gizartea -

Emakumeen aurkako indarkeria

Gazte bat atxilotu dute Donostian bikotekideari eraso egiteagatik

Erasoa Zurriola Pasealekuan jazo da. Lekukoen arabera, gazteak lurrera bota du bikotekidea, eta ostikoka hasi da. Atxilotuari genero-indarkeriarekin lotutako delitua egotzi diote.

AGENTZIAK | ERREDAKZIOA

Whatsapp Facebook Twitter Telegram Email

28 urteko gazte bat atxilotu dute goizalde honetan Donostian bere bikotekideari eraso egitea leporatuta, Segurtasun Sailak jakitera eman duenez.

Jazoera Zurriola Pasealekuan gertatu da, 02:40ak aldera. Ertzaintzako patruila batek erasoa ikusi du. Ondorioz, bikotearengana hurbildu da, eta bi lagunak identifikatu ditu. Lekukoen arabera, gazteak lurrera bota du bikotekidea, eta ostikoka hasi da.

Ertzaintzak gaztea atxilotu du, genero-indarkeriarekin lotutako delitua egotzita.

-------------------------------------------

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.

Hau zure interesekoa bada, baliteke beste gai hauek ere izatea
Tratu txarrak umeak Ertzaintza Indarkeria matxista Espainian Delituak argazkiak Gizartea bideoak Emakumeen kontrako tratu txarren salaketak Gaurko azken orduko albistea Tratu txarrak jasan dituzten emakumeentzako gida

Informazio gehiago