Publizitatea
X

Irratia zuzenean

Arantza Palaciosen istripu-heriotza baztertu du autopsiak; 2018ko maiatzak 16

Gizartea

Bizkaiko lurralde-auzitegia

Arantza Palaciosen istripu-heriotza baztertu du autopsiak

Agentziak | Erredakzioa

2018/05/16

Gorpuari autopsia egin zion Bilboko auzitegiko-medikuak agerraldia egin du epaiketaren laugarren saioan. Biktima “itobeharrean” hil zela goraipatu du adituak.

1:20
  • Whatsapp
  • Bidali

Arantza Palacios 51 urteko emakumearen gorpuari egindako autopsiak istripu-heriotza baztertu du, nahiz eta akusatuaren bertsioa hori izan. Bizkaiko Lurralde-auzitegia hilketa delitu batengatik epaitzen ari da. Heriotza “biolento eta hiltzailea” izan zela azaldu du autopsiak.

Gorpuari autopsia egin zion Bilboko Auzitegiko Medikuntza Institutuko medikuak agerraldia egin du gaur, epaiketaren laugarren saioan. 49 urteko akusatuari 20 eta 25 urte arteko espetxe-zigorra ezartzea eskatu dute akusazioek (Fiskaltza, akusazio partikularra, herri-akusazioa eta Estatuko Abokatutza).

Defentsako bi auzitegiko-medikuk ere hitza hartu dute saioan. Heriotza naturala izan zela argudiatuta, akusatua absolbitzea eskatu dute abokatuek. Emakumea bera bakarrik itotzea posible izan zela planteatu dute biek, hartu behar zuen botika kopuru handiak gaizki metabolizatuta, konortea galdu ondoren.

Arantza Palacios 2016ko uztailaren 23tik 24erako gauean hil zen, Bilboko San Adrian auzoan. Bere amarekin bizi zen. Biktimaren adineko amak mugikortasun arazoak zituen.

Gau hartan akusatua ere etxean zegoen. Hiru hamarkadako harremana izan zuten biek. Biak toxikomanoak eta alkoholikoak ziren. Emakumeak gibeleko zirrosia zuen, eta baita buruko eritasunak ere.

Norbaitek “indarrez eta denbora tarte batean” arnasbideak itxi zizkion

Akusatuaren bertsioaren arabera, 00:00ak aldera, ama bere logelan zegoen, bera lo egitera joan eta emakumea egongelan telebista ikusten geratu zen.

Gizona hurrengo egunean, 09:30ean, esnatu zenean, emakumea hilik aurkitu zuen, beti bere deklarazioaren arabera.

Gorpuaren autopsia eta heriotzaren arrazoia saioko eztabaidagai nagusiak izan dira gaur. Auzitegiko-medikuaren hitzetan, gorpuak zuen koloreagatik, aurpegian zituen marka “digitatuengatik” eta aho barruan antzeman zizkioten lesioengatik, “istripu-heriotza ez da posible”.

Biktima “itobeharrean” hil zela goraipatu du adituak, norbaitek “indarrez eta denbora tarte batean” arnasbideak itxi zizkiolako.

Ostegun honetan bideoak ikusi eta beste froga batzuk aztertuko dituzte epaiketan. Ostiralean ez da saiorik izango, eta datorren astelehenean azken txostenak irakurriko dituzte.

Iruzkinak

Publizitatea
Publizitatea
NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena