Nolakoa izango da Garoñako zentral nuklearra eraisteko prozesua?

Hamar urtez geldirik egon ostean, Garoñako zentral nuklearra eraitsi egingo dute. ENRESA enpresa publikoak beste hamar urtez lan egingo du, Teresa Ribera Trantsizio Ekologikoko ministroak berretsi bezala.

Prozesua ondorengoa izango da: Aurrena turbina desmuntatuko da eta uranioa (400 tona baino gehiago) urmaeletik biltegira eramango da eta bertan gordeko da.

Cuencan hondakin nuklearren biltegi bat eraikitzea baztertu ondotik, hondakin erradioaktibo horiek Garoñan bertan utziko dira gutxienez 50 urtez.

Hondakinak eraman ondoren, eraikinak eraitsiko dira eta eremu osoa berreskuratuko da.

300 pertsona baino gehiagok egingo dute lan eya 475 milioi euroko kostua izango du. Aurreikuspenaren arabera 2033an amaituko da prozesu osoa; dirua ez da zentrala ustiatu zuten Iberdrolatik edo Endesatik aterako, diru-kutxa publikoetatik baizik.