Gizartea -
EZBEHARRA
23 urteko gizonezko bat larri zauritu da Azkoienen, altuera handi batetik erorita
00:00ak aldera abisua jaso ostean, konorterik gabe aurkitu dute larrialdi zerbitzuek gaztea, Argaren ibaiertzean, hiru metro eta erdiko altueratik erori eta gero.
AGENTZIAK | EITB MEDIA
23 urteko gizon bat larri zauritu da larunbatetik iganderako gauean Azkoienen, Arga ibaiaren inguruan, lubeta batetik erorita.
00:00ak aldera jaso du abisua SOS Nafarroak eta berehala bertaratu dira Azkoiengo guardiako mediku taldea, suhiltzaileak, bizi-euskarri aurreratuko anbulantzia bat, udaltzaingoaren patruilak eta Guardia Zibilaren patruilak.
Suhiltzaileek erreskatatu dute 23 urteko gizonezkoa, udaltzaingoaren laguntzarekin. Konorterik gabe aurkitu dute, Arga ibaiaren ertzean, Corte kalearen parean, hiru metro eta erdiko altueratik erori ondoren.
Lehen arreta jaso ondoren, Nafarroako Unibertsitate Ospitalera eraman dute anbulantzia medikalizatuan, garezurreko traumatismo larri batekin.
Guardia Zibilak ikerketa ireki du gertatua argitzeko.