Gizartea -
Erasoa Bizkaian
Espetxean sartu dute Portugaleten gazte bati hainbat labankada emateagatik atxilotutako gizona
Atxilotua biktimaren ezaguna da, eta hamar atxiloketa baino gehiago ditu, gehienak lesio-delituekin lotuta.
AGENTZIAK | EITB MEDIA
Ertzaintzak 30 urteko gizon bat atxilotu du, ustez, irailaren 19an Portugaleten (Bizkaia) gazte bati labankada batzuk emateagatik, Eusko Jaurlaritzako Segurtasun Sailak asteazken honetan jakinarazi duenez. Epailearen aurrean deklaratu ondoren, espetxean sartu dute.
Biktimak zauriak izan zituen aurpegian, buruan eta besoan, eta ebakuntza egin behar izan zioten Gurutzetako Ospitalean (Barakaldo).
Atxiloketa Muskizko (Bizkaia) ertzain-etxean bertan egin dute. Bertan, labankaden ustezko egilea agertu da, bere bila zebiltzala jakitean.
Atxilotua biktimaren ezaguna da, eta hamar atxiloketa baino gehiago ditu, gehienak lesio-delituekin lotuta.