Gizartea -
Guardia Zibilaren operazioa
Faltsututako salgaiak merkaturatzen zituen talde kriminal bat desegin dute Bizkaian
Bederatzi pertsona atxilotu eta bost miaketa egin dituzte Sestaon. Batez ere Txinatik etorritako kirol-ekipazioak, lurringintzako eta kosmetikako produktuak eta bestelako ehun-gaiak konfiskatu dituzte.
N. B. | EITB MEDIA
Guardia Zibilak talde kriminal bat desegin du Bizkaian, "Ablegatio" operazioaren barruan, batez ere Txinatik zetorren faltsututako salgaiak merkaturatzen zituena.
Guardia Zibilak prentsa-ohar baten bidez jakinarazi duenez, orain arte kirol-ekipazio ugari atzeman dituzte, batez ere futbol-klubetakoa, lurringintzako eta kosmetikako produktuak eta bestelako ehun-gaiak.
Guztira bederatzi pertsona atxilotu eta beste bi ikertu dituzte, eta bost miaketa egin dituzte Sestaon.
Barakaldoko Instrukzioko 3 zenbakiko Epaitegiak zuzendutako ikerketa zabalik dago oraindik.