Bi pertsona zauritu dira Donostian, Gipuzkoa plazako talo postu batean izandako sutean

40 eta 44 urteko bi gizon zauritu dira gaur eguerdian Donostian, San Tomas egunaren harira Gipuzkoa plazan jarritako talo postu batean izandako sutean.

Hasiera batean leherketa bat izan dela zabaldu bada ere, suhiltzaileek argitu dute sute bat izan dela. Antza, erabiltzen ari ziren plantxa baten gainean "gas poltsa bat" eratu da eta gailu hori berriro pizten saiatu direnean, "su handi bat" sortu da.

Bi zaurituak tokian bertan artatu dituzte aurrena, eta, ondoren, Donostia Ospitalera eraman dituzte, erredura arinekin.

Azkoitiko Hazitik kooperatibaren postuan izan da sutea, 14:00 inguruan.