Gizartea -
Gertakaria
Ireki dituzte Bilboko metroaren Moyua geltokiko irteerak, sute txiki batengatik itxita egon ostean
Antza, sua piztu da Elkano eta Ercilla kaleetako irteeretako eskilara mekanikoetan, eta ketza handia pilatu da.
EITB Media
Sutea izan da gaur goizean Bilboko metroaren Moyua geltokiko irteeretako batean, eta ondorioz, Elkano eta Ercilla kaleetako sarrera/irteera itxi dute. 09:15erako, baina, berriro ireki dute.
Garrak 07:00ak jo baino minutu batzuk lehenago piztu dira, argitu gabeko arrazoiak tarteko. Larrialdi protokoloa aktibatu dute, ondorioz. Hainbat suhiltzaile bertaratu dira, eta 07:30erako amatatuta zuten sutea.
Gertakaria gorabehera, metro zerbitzua ohikoa izan da.