Gizartea -
Eguraldia
Bilboko Aireportuko bi hegaldi beste aireportu batzuetara bideratu behar izan dituzte haize zakarra tarteko
Bartzelonatik zetorren batek Santanderren hartu behar izan du lur. Gainera, Palma-Bilbo bidaia egin behar zuena Asturiasko Aireportura bideratu dute.
EITB Media
Bilboko Aireportuan lur hartu behar zuten bi hegaldi beste aireportu batzuetara bideratu behar izan dituzte haize zakarraren ondorioz.
AENAko iturriek jakinarazi dutenez, Bartzelonatik zetorren eta Bilbora 08:15ean heldu behar zen hegazkinak Santanderko Aireportuan hartu du lur. Palma-Bilbo bidaia egiten zuen eta bost minutu geroago lur hartu behar zuen bestea Asturiasko Aireportura bideratu dute azkenean.