Mundua -
Migratzaileak
Gutxienez 5.000 pertsona erreskatatu dituzte Mediterraneo itsasoan
Italiako kostazainek emakume baten gorpua aurkitu dute ontzi batean. Azken hogei urteotan 60.000 migratzaile eta errefuxiatu baino gehiago desagertu edo hil dira Mediterraneo itsasoan.
Agentziak | Erredakzioa
Italiako kostazainek hainbat ontzitan zihoazen 5.000 migratzaile baino gehiago erreskatatu dituzte ostegun honetan, ohar baten bitartez iragarri dutenez. Itsasontzi horietako batean, bidaian hil den emakume baten gorpua aurkitu dute kostazainek.
Era berean, Siziliako itsasartean 43 erreskate egin behar izan dituztela adierazi dute, eta koordinazio lanak Italiako kostazainen esku egon direla gaineratu dute.
Azken hogei urte hauetan 60.000 migratzaile eta errefuxiatu baino gehiago desagertu edo hil dira Mediterraneo itsasoan, Migrazioetarako Nazioarteko Erakundeak (OIM) 2015. urtean emandako datuen arabera.