Mundua -
EZBEHARRA
60 pertsona hil dira Nigerian, eliza bateko teilatua behera etorrita
Ekitaldi erlijioso bat ospatzear zirela, eraikinaren teilatua behera etorri zen, atzo, eta bertan zeudenak harrapatuta geratu ziren; 60 pertsona hil ziren eta dozenaka zauritu.
AGENTZIAK | ERREDAKZIOA
Gutxienez 60 pertsona hil ziren, atzo, larunbata, Nigeriako Uyo hirian, eliza abanjeliko bateko teilatua behera etorrita. Herrialdearen hego-ekialdean dago Uyo.
Hango hedabideek zabaldu dutenez, ekitaldi erlijioso bat hastear ziren, ezbeharra gertatu zenean. NAN berri agentziaren arabera, baliteke hildakoak 60 baino gehiago izatea.
Zauritutakoak ere asko izan ziren, tartean, ekitaldian parte hartzekoa zen Udom Emmanuel Akwa Ibomeko gobernadorea.
Muhamadu Buhari Nigeriako presidenteak bere doluminak adierazi dizkie biktimen senideei, nazio osoaren izenean.