Mundua -
Sismoa
Kalte arinak eragin ditu Txilen 6,3 graduko lurrikara batek
Sismoak Aricatik 56 bat kilometrora izan du epizentroa, eta 99 kilometrora hipozentroa.
eitb.eus
Ritcher eskalan 6,3 graduko indarra hartu duen lurrikara batek Txileko iparraldea astindu du gaur, urriaren 10ean, herrialdeko Sismologia Zentro Nazionalak jakinarazi duenez.
Lurrikarak kalte arinak eragin ditu Txileko errepide nagusi baten tarte batean. Halaber, herritarren urduritasun krisi ugari jaso dira bertoko ospitaleetan.
Sismoa hango 03:32ean izan dan (06:32 GMT) eta epizentroa Aricatik 56 bat kilometrora kokatu da, Peruko mugatik hurbil.
Halaber, epizentroa 99 kilometroko sakoneran izan du lurrikarak. Gainera, dardara horren ondoren, beste erreplika batzuk izan dira, askoz ere arinagoak: 3,3; 3,7 eta 4,4; 4,8 eta 3,5ekoak, hain zuzen.
Oraindik ez dago argi biktimarik edo kalterik eragin duen.