Mundua -
MIGRAZIOA
70 pertsona migratzaile baino gehiago hil dira Libiako kostaldean, ontzi bat hondoratuta
Ontzian 80 bat pertsona zihoazela uste da. Asteartean atera ziren Libiatik, Europarako bidea hartu zuen ontzi batean.
AGENTZIAK | EITB MEDIA
Gutxienez 70 pertsona migratzaile hil dira gaur Libiako kostaldean, guztiak elkarrekin zihoazen ontzia hondoratu ostean. Hala jakinarazi du, sare-sozialen bidez, Migrazioetarako Nazioarteko Erakundeak.
Antza, asteartean atera ziren Qasr Alkayarretik eta Europara iristea zuten helburu. Ontzian 80 bat pertsona zihoazela uste da.
Oraingoz, zazpi pertsona erreskatatu dituzte bizirik, egoera "oso larrian", itsasertzeraino igerian iritsi ondoren. Ospitalean daude denak.
2022an, Migrazioetarako Nazioarteko Erakundeak 1.450 heriotza zenbatu zituen Libiako kostaldean.