Politika -
Hauteskundeak
Ahal Dugu udal-hauteskundeetan aurkeztuko da Gasteizen
Hemen Gaude izenarekin joango da. Nola aurkeztu erabakitzeko prozesuko parte-hartzea txikia izan da, Araban dauden 1.300 kideetatik 163k soilik bozkatu baitute.
Erredakzioa
Ahal Duguren militanteek udal-hauteskundeetan Gasteizen aurkeztea erabaki dute, baina Hemen Gaude izenarekin egingo dute, eta alderdi politikoarengandik independentea izango bada ere, horren babesa izango du eta horko kideek osatuko dute.
Otsailaren 26tik martxoaren 1era bozkatu dute Arabako Ahal Duguko militanteek Internet bidez, Gasteizen aurkeztu ala ez erabakitzeko, eta baietz erabakiz gero, nola aurkeztu erabakitzeko.
Izan ere, aurkeztekotan, bi aukera zeuden: hautetsi talde bat edo herritar plataforma bat osatzea, ala alderdi "instrumentala" sortzea.
Azkenean, bigarren aukeraren alde egin dute, eta Ahal Duguko iturriek azaldu dutenez, prozesuko parte-hartzea txikia izan da, Araban dauden 1.300 kideetatik 163k soilik bozkatu baitute.