Politika -
Hauteskundeak
Juanjo Puigcorbe aktorea, ERCren zerrendako bigarrena Bartzelonan
Aktorearen beraren esanetan, Pasqual Maragall sozialistaren jarraitzailea zen, baina orain independentismotik gertuago dago.
Erredakzioa
Juanjo Puigcorbe aktorea ERCren zerrendako bigarrena izango da Bartzelonan, maiatzaren 24ko udal hauteskundeetan, alderdi independentistak baieztatu duenez.
Azaroan, Puigcorbe ERCren ekitaldi batean izan zen.
Horren esanetan, Pasqual Maragall sozialistaren jarraitzailea zen, baina orain independentismotik gertuago dago, "Bartzelonako boto-emaile gehienak bezala".
Bere ekarpena "kulturaren munduan pilatutako esperientzia" izango dela azaldu du aktoreak, eta esparru horretan Olinpiar Jokoetan lortutako "bikaintasuna" bilatzen saiatuko dela gaineratu du.
Bestalde, ERCk Santiago Vidal Kataluniako Konstituzio proposamena diseinatu duen eta Botere Judizialak hiru urtez gaitasungabetu duen epailea ere "fitxatu" du Bartzelonako zerrendarako, baina toki sinboliko baterako; azkenerako, hain zuzen ere.
