Aitor Esteban: 'Rajoyk ez du kontuan izan lehendakariak eskatutakoa'

Aitor Esteban EAJren Kongresuko bozeramaleak ziurtatu duenez, une honetan desadostasun "handiak" ditu PPrekin, hori dela eta, ez du uste bat egingo dutenik "hauteskundeetarako lau egun falta direnean".

Efek egindako elkarrizketa batean Estebanek adierazi duenaren arabera, "legealdian ez dute jaramonik egin eta birzentralizatzen aritu dira. Rajoyk ez du kontuan izan lehendakariak eskatutakoa, akordio parlamentarioak egiteko interes eza erabatekoa izan da, eta orain bat egiteaz ari dira, hauteskundeetarako lau egun falta direnean…".

"Zuzenak gara guztiekin, baina une honetan PPrekiko dagoen distantzia oso handia da", azpimarratu egin du EAJren Kongresuko bozeramaleak.

Gainera, EAJren iritzian, Euskadiko PPk "jarraitzen du EAJren kontrako mezu erasokorrak eta maltzurrak" egiten, "asko asmatuz, nondik ateratzen dituzten ez dakidan bilerak -EAJ Ahal Dugurekin biltzen ari zela esan zuen PPk- aipatuta".

Estebanen arabera, PPk "ez nahiko" mailako lana egin du lau urteko agintaldian. Batetik, "ezin da elkarrizketarik gabeko legealdia egon, nahiz eta gehiengo absolutua izan" eta, bestetik, Euskadiri dagokionean, ez duelako aurrerapausorik eman autogobernuan.

"Ez da transferentziarik egin, Zapaterorekin luze lan egin arren, esaterako, autopisten eskumenean; negoziatu den gauza bakarra da forua onartzen duen udalen legea eta euskal udal mailako esparrua izatea, baina legealdiko salbuespena izan da", gaineratu du.